O Suso

É o título dun relato de Xosé Luís Méndez Ferrín, mestre vivo da nosa narrativa actual. Forma parte do conxunto titulado O crepúsculo e as formigas, publicado en 1961. Queredes saber algo máis sobre este rapaz chamado Suso? Velaquí tedes a ligazón para entrardes na súa historia e ineractuar cos seus protagonistas. Que o pasedes ben.

https://goo.gl/forms/nvqjqyL9amJUdkv12

# RosalíaTe Mannequin Challenge

Co gallo do aniversario do nacemento da nosa autora galega máis internacional - 24 de febreiro-a AELG (Asociación de Escritores en Lingua Galega) propuxo aos centros de ensino galegos una serie de actividades para honrar a Rosalía de Castro. Para os centros de ensino secundario a idea foi a realización dun mannequin challenge que recrease a obra ou a figura da escritora. Os rapaces e rapazas de 1º de ESO apuntáronse á proposta e fixeron un mannequin libremente baseado no seu célebre poema "Pra a Habana!". O de ficar quietiños, o peor...

O Bieito vai vivo?

Sobre da morte de Bieito é o relato máis coñecido do magnífico conxunto de narracións breves publicadas polo rianxeiro Rafael Dieste no ano 1926 baixo o título de Dos arquivos do trasno.  Dende o comezo até o remate a historia mantén en tensión ao lector.
Propóñovos esta actividade para metervos no pelexo do protagonista e poñer a proba a vosa intuición e comprensión lectora. Adiante!

https://goo.gl/forms/jaBih4VpOivOfUa92

Ilustración de Luís Seoane feita para o relato.

# Grazas, Agustín.

Con esta etiqueta subimos a youtube e á web do IES Fonmiñá uns vídeos nos que alumnos e alumnas de 2º, 3º e 4º de ESO comentan as súas impresións sobre algunhas das obras do recordado Agustín Fernández Paz, un dos escritores máis queridos e laureados da literatura para xente nova en lingua galega. Esta é a nosa homenaxe para alguén que marcou a toda unha xeración de lectores. Grazas, Agustín.