Argumentemos...

Propóñovos para analizar un texto argumentativo este artigo de opinión titulado O gallego que falo é o da casa. Lembrade o que tedes que identificar:

Elementos básicos:

·        Tese: a idea ou opinión que defende o argumentador.

·        Argumentos: procedementos lingüísticos que o emisor utiliza para convencer ao destinatario.

l

Estrutura:

·        Introdución: presenta o tema e tenta crear unha situación favorable para que o receptor acepte a tese que se vai defender.

·        Corpo argumentativo: consta de dúas partes, unha expositiva (enuméranse os feitos e os datos –premisas- para que o receptor coñeza a tese) e a argumentación propiamente dita (cítanse os argumentos que favorecen a tese e que rexeitan (refutan) a postura contraria, se a houbese.

·        Conclusión: faise un resumo do máis importante para reforzar os argumentos empregados.

Como teñen que ser? Variados, concretos e axeitados. Sempre apoiados con datos obxectivos. 

Tipos de argumentos:  botade unha visual ás fichas sobre o tema. Son doados de identificar.