SALA DE FUGA SOBRE XELA ARIAS

 A ver se vos gusta e de paso coñecedes mellor a poeta á que lle dedican as Letras Galegas no 2021. Unha (curta😕) vida moi rica e interesante. Divertídevos ben!👀🔍📖❓✅✖

CANTIGAS DE AMIGO NON APTAS PARA "BOOMERS"

Amosamos a divertida actividade do alumnado de 1º de Bacharelato, volvendo dúas coñecidas cantigas de amigo de Martín Codax, Eno sagrad'en Vigo ; e de Dom Dinis, Non chegou, madre, o meu amigo, á lingua utilizada pola xente nova nas redes sociais.  Forma parte do proxecto Dicionario galego para boomers aí podedes velas e deixar comentarios se vos parece. Nas imaxes amosamos o sorprendente resultado😂😂, que está acando moito éxito na conta de Instagram onde están colgadas. https://www.instagram.com/galegoparaboomers/

CHACINERÍA "CELIDONIO". UNHA INTERPRETACIÓN PLÁSTICA DE "O PORCO DE PÉ"

 

O Grupo Nós dá para moito e ademais da exposición virtual De Nós a nós que visitamos hai unhas semanas, o alumnado de 4º de ESO C e D interpretou artisticamente a Don Celidonio, o protagonista de O porco de pé, novela máis célebre de Vicente Risco. Os alumnos e alumnas souberon interpretar moi ben a esencia do personaxe a partir da maxistral descrición caricaturesca que del fai Risco: a súa vulgaridade, o seu amor polos cartos, o seu físico porcino... 🐷💗💰 Védeo vós mesmos. 

Tan ben quedaron que decidimos montarlle unha chacinería para que faga negocio. Mentres, admirade o traballo dos nosos rapaces e rapazas.👌

ESQUEMA VISUAL SOBRE O GRUPO NÓS

 Un esquema visual síntese do tema. Tédelo na Aula Virtual xunto co cuestionario sobre o artigo A xeración Nós de Carme Fernández Pérez-Sanjulián. Axudaravos na lectura e a ter unha idea global sobre o importantísimo labor deste grupo de intelectuais que dinamizaron e normalizaron a nosa lingua e cultura coma antes non se fixera.

COMO CREAR UN BINOMIO FANTÁSTICO

 Temos catro marabillosos exemplos da inventiva de alumnas e alumnos de 1º de ESO do IES Fonmiñá de hai uns anos. Quero máis pequenas xoias deste tipo. Velaquí unhas instrucións visuais para crear un:

DIVERSIDADE e ECOLOXÍA LINGÜÍSTICA. CONFLITO e DIGLOSIA.

 O mapa de abaixo recolle estes conceptos tan importantes para coñecermos a realidade sociolingüística de Galicia e como apoio de estudo para este punto do Tema 2 do libro (1º de BAC).

E as luces apagáronse: OS SÉCULOS ESCUROS

Visualizade esta presentación sobre os Séculos Escuros e a seguir respondede o cuestionario.

A lingua galega na Idade Media

O galego, lingua románica. Breve historia do seu nacemento.

A nosa lingua no primeiro terzo do século XX.

CORRELINGUA 2018, A LINGUA NON PARA!

Con esta preciosa pancarta realizada polos alumnos e alumnas de 3º de ESO, festexamos a maioría de idade oficial do Correlingua cuxo lema foi este ano, A lingua non para! Unha edición moi, moi especial, ben sabedes o motivo...
Que nada e ninguén pare a nosa lingua!

BOLETÍN ROSALIANO

Velaquí tedes un cuestionario no que tedes que ler e analizar algúns dos poemas máis coñecidos de Rosalía de Castro. Aproveitade as presentacións que preparastes e o material que xuntastes en Pinterest como axuda para realizalo. 
Premede na palabra cuestionario e comezade. Non esquezades envialo!

OS SÉCULOS ESCUROS

Para que vos fagades unha idea rápida e clara sobre esta etapa da historia da nosa lingua e cultura realizamos este vídeo estupendamente narrado coas voces dalgúns alumnos e alumnas de 3º de ESO. A seguir teredes que responder a este cuestionario. Que vos preste!

TEST CUNQUEIRIANO

http://www.cifpcarlosoroza.es/?p=319

Canto sabedes sobre o xenio literario de Álvaro Cunqueiro?

Comprobádeo neste quid e divertídevos.

Xa temos o nº 9 de PETISCOS!

Xa saíu o número 9 da nosa revista escolar Petiscos! Desta volta é unha revista 100% literaria e creativa e esperamos que vos guste. Temos moitos talentos artísticos e literarios agochados no instituto e nós sen sabelo... 🎨📝 Moitas grazas aos compañeiros e compañeiras que colaborastes na revista, facilitando material, analizando unha obra literaria ou na coordinación dalgúns traballos. Desexamos que o pasedes moi ben léndoa. De momento podédela ver en liña. De cara á primavera 🌷🌹🌻🌼 teremos as edicións impresas.

Ilustramos a Amado Carballo

Verónica Luna Méndez, de 4º de ESO foi a primeira en animarse a ilustrar un poema. Aproveitando que estabamos co tema das avangardas galegas, realizou esta versión acrílica do poema Lúa de Luís Amado Carballo, igual que o apelido da artista.
Quedoulle precioso.

A Lúa é velliña,

de brancos cabelos

de enrugas de ouro                           

e de olliños cegos.

Érguese do leito 

das foulas do mar

palpando os espazos

para camiñar.

Anda polo mundo

sen ver a onde vai                                      

pois as estreliñas

lévana da man.

Envolveita en néboas

hase de abrigar

pois como vai vella

tense que coidar.

Cando na outa noite

brúa o temporal

a lúa entre as tebras

tápase a tremar,

E así que o mal tempo

amainando vai

asoma a faciana

e espalla o luar.

DEBUXAR UN POEMA

Unha actividade interesante e bonita para saber o que interpreta cada un/ha da lectura dun poema. A miña proposta é sobre un poema pouco coñecido de Federico García Lorca. Ídevos preparando, que habemos de argallar algo á volta do Nadal con poemas galegos.
 

Poema de la feria

Bajo el sol de la tuba

Pasa la feria

Suspirando a los viejos

Pegasos cautivos

La feria

es una rueda.

Una rueda de luces

Sobre la noche.

Los círculos concéntricos

del “tío vivo” llegan,

ondulando la atmosfera

hasta la luna.

y hay un niño que pierden

todos los poetas

Y una caja de música

Sobre la brisa.

  Técnica: tinta chinesa sobre papel de algodón.

UNHA NOVELA GRÁFICA CONTRA O MALTRATO

O 25 de novembro foi o Día da Eliminación da Violencia contra a Muller, e dende este blogue queremos realizar a nosa pequena aportación aconsellándovos a lectura de Quiéreme bien, un cómic autobiográfico no que a autora, que se agocha baixo o seudónimo de Rosalind B. Penfold para evitar as posibles represalias da súa antiga parella, relata en viñetas o pesadelo que viviu tras coñecer a Brian, un viúvo con catro fillos que en pouco tempo pasou de ser o home ideal a un monstro que converteu a vida da autora nun inferno.

A propia Rosalind adiántanos no prólogo a súa terrible experiencia con Brian:

No meu caso, non me decatei enseguida do que estaba a pasar porque os abusos viñan envoltos en palabras de amor e non pensei que tantas atencións, tantas chamadas telefónicas, tantos románticos "Quérote" fosen os primeiros indicios do mal. Soamente cando me tivo no seu poder, namorada e disposta, Brian pouco a pouco comezou a anularme, a me tratar coma se eu fose un simpre obxecto para o seu uso e goce. Ao primeiro eu dubidaba e non quería interpretar os seus xestos coma un abuso, pero a medida que pasaban os meses sentín coma toda eu ía minguando, ata case desaparecer.

Agora botade un ollo as viñetas, coñecedes alguén que estea a pasar por situacións parellas?

BINOMIOS FANTÁSTICOS

O binomio fantástico é un dos conceptos clave dos que fala o noso admirado Gianni Rodari na súa Gramática da Fantasía. Consiste no encontro casual de dúas palabras que no uso cotián non soen relacionarse pero que xuntas poden dar lugar a unha historia. Antía, Iván, Yaiza e Carlos extraeron cada un dous substantivos ao chou agochados nun sobre.  Os resultados foron xeniais.
              
                                           ANTÍA.  CARACOL + CHOCOLATE

IVÁN. LÓSTREGO + CALENDARIO

YAIZA. RELOXO + CARBALLO

CARLOS. CIMO+MAZÁ

                                           

MEMES E LITERATURA

O termo meme apareceu por primeira vez no ano 1976 no libro O xen egoísta do británico Richard Dawkins que o definía coma unidade teórica de información cultural, transmisible dun individuo a outro ou dunha mente a outra ou dunha xeración á seguinte. Actualmente é un termo utilizado en Internet para describir un formato audiovisual que permite expresar e transmitir de forma viral unha idea a través das redes sociais, noticias, blogues e outros servizos.

Os memes máis habituais son os humorísticos pero tamén son un material moi bo para traballar a expresión escrita combinando unha imaxe que interactúa cun texto brevísimo. Cos memes literarios podemos traballar os recursos estilísticos (xogos de palabras, dobres sentidos, a ironía, hipérboles, metáforas..), a elipse e a síntese (esíxese moi pouco espazo), a rima así como aspectos da vida e obra dos autores en clave humorística.

Iso mesmo fixeron os alumnos e alumnas de 4º de ESO cos autores do Grupo Nós. A ver se sodes quen de responder as preguntas...

 Autores: Pablo e Martín

A que divertida novela de Vicente Risco se fai referencia neste meme?

 Autoras: Tania e Carla

Como se chama o personaxe da dereita, protagonista dun dos relatos de Cousas de Castelao? Lembras o argumento da historia?
Quen ilustraba os seus relatos?

Autores: Brais e Álex.

Un excelente xogo de palabras baseado no apelido do fundador do Grupo Nós.

Non podía faltar... De que obra forma parte o relato ao que fai alusión Julio Iglesias? Quen é o seu autor? É realmente filla de
Julio Iglesias?

Autores do meme: Pablo e Martín.

 Autores: David e Ian.

Neste meme alúdese a un dos temas preferidos por Vicente Risco  Revisade a súa vida e obra.

Ademais de na literaria, en que outras facetas brillou Castelao? Por que aparece tan serio cando di que era médico?

Autoras do meme: Vanesa, Verónica e Ainoa.